Родная мова – крыніца празрыстая

Напярэдадні Міжнароднага дня роднай мовы ў філіяле «Дзівінская сельская бібліятэка» прайшоў літаратурна – музычны вечар «Родная мова – крыніца празрыстая». Удзельнкамі мерапрыемства былі навучэнцы ДУА «Дзівінская сярэдняя школа», а таксама чытачы бібліятэкі. Бібліятэкар паведаміла аб важным значэнні мовы ў жыцці чалавека, пазнаёміла з новымі кнігамі беларускіх пісьменнікаў. На мерапрыемства была запрошана паэтэса Надзея Іванаўна Момлік, яна расказала пра сваю творчую дзейнасць. Работнікі філіяла «Цэнтр культуры і вольнага часу» падрыхтавалі музычныя застаўкі на вершы беларускіх паэтаў. Старадаўнія вышыўкі, лялькі, вышытыя карціны былі прадстаўлены філіялам «Дзівінскі Дом рамёстваў». Падчас сустрэчы прагучала шмат вершаў на беларускай мове.