Самая першая
20.11.2025 16:23
Да 115-годдзя з часу заснавання дзяржаўнай установы адукацыі «Сярэдняя школа № 1 г. Кобрына» падрыхтаваны інфармацыйна-бібліяграфічны паказальнік «Самая першая» (2-е выданне, дапрацаванае і дапоўненае) з серыі «Адукацыя на Кобрыншчыне».
Інфармацыйна-бібліяграфічнае выданне «Самая першая» прысвечана юбілейнай даце старэйшай адукацыйнай установы Кобрына і дае магчымасць пазнаёміцца з гісторыяй яе заснавання і сённяшнім днём школы, яе знакамітымі выпускнікамі. Гісторыя школы № 1 нераздзельна ад гісторыі горада. Самым значным з'яўляецца тое, што яна стала сведкам двух стагоддзяў, прайшоўшы праз многія выпрабаванні, галоўным з якіх з'яўляецца, несумненна, час. Будынак школы прыцягвае ўвагу сваёй прыгажосцю, велічнасцю і з’яўляецца гісторыка-культурнай каштоўнасцю Рэспублікі Беларусь.
Інфармацыйна-бібліяграфічнае выданне мае наступную структуру:
Ад складальніка
I. Гартаючы старонкі школьнага летапісу
II. Сучасны дзень школы
III. Захавальнік гісторыі ― школьны музей
IV. Знакамітыя выпускнікі школы
Спіс крыніц
Спіс перыядычных выданняў, матэрыялы з якіх уключаны ў паказальнік.
Выданне прадстаўляе больш за 100 бібліяграфічных крыніц. Прадстаўлены ілюстрацыйны матэрыял, фотаздымкі розных гадоў.
Паказальнік адрасаваны ўсім, хто займаецца вывучэннем роднага краю, цікавіцца яго гісторыяй, адукацыяй, культурай. Смотреть
