Залаты россып вершаў
30.04.2013
У чытальнай зале бібліятэкі прайшоў фестываль паэзіі “Залаты россып вершаў”.
Мерапрыемства складалася з некалькіх блокаў:
- “Маладосці - 60!” - прагучалі вершы кобрынскіх паэтаў, якія ў розныя часы былі апублікаваны ў часопісу “Маладосць”, адзначаўшым у красавіку свой 60-гадовы юбілей;
- “На літаратурным Парнасе Кобрыншчыны”: бліц-прэм’ера кніг, вершаў кобрынскіх аўтараў, якія выйшлі ў свет у 2013 г. Гучалі песні на вершы Ю. Харэвіча ў выкананні аўтара;
- “Паэт. Чытач. Бібліятэка.”: фотавернісаж;
- “Добрыя думкі, чыстае сэрца” : блок прысвечаны тэме духоўнасці ў творчасці мясцовых паэтаў. Асабліва актуальна прагучалі вершы напярэдадні вялікага свята Пасхі;
- “Край наш – прыстанак загадак і цудаў”: музыкальна-паэтычная кампазіцыя, прысвечаная 490-годдзю з часу першай публікацыі паэмы Міколы Гусоўскага “Песня пра зубра” (прагучала ў выкананні навучэнцаў каледжа будаўнікоў г. Кобрына).