Ефціфеева, Н. Знаёмімся з «ПоэтиКо» / Наталля Ефціфеева // Кобрынскі веснік. – 2019. – 4 верасня. – С. 8.

Літаратурны клуб «ПоэтиКо» пачаў працаваць пры Кобрынскай цэнтральнай раённай бібліятэцы.

Знаёмімся з «ПоэтиКо»

«Поэтический Кобрин» - скарочана «ПоэтиКо». Літаратурны клуб з такой паэтычнай назвай пачаў працаваць пры Кобрынскай цэнтральнай раённай бібліятэцы.

На першым пасяджэнні паэты Кобрыншчыны згадзіліся «пісаць у рытме сэрца» - менавіта гэтыя словы яны абралі сваім дэвізам.

Знаёмства членаў клуба прайшло незвычайна. Вершаваныя экспромты «Зарыфмую імя сваё» дазволілі кожнаму аўтару не толькі назваць сябе, але і паказаць свае літаратурныя здольнасці. Прадстаўленне асабістай творчасці прадоўжылася чытаннем раней напісаных вершаў.

У задачы клуба ўваходзіць развіццё творчых літаратурных навыкаў. Таму амаль на кожным пасяджэнні будзе адведзены час урокам вершаскладання.

Наталля ЕФЦІФЕЕВА, бібліятэкар

аддзела бібліятэчнага маркетынгу

Кобрынскай цэнтральнай

раённай бібліятэкі.