Літаратурная лабараторыя «Верлібры»
28.08.2024 09:16
У Кобрынскай цэнтральнай раённай бібліятэцы адбылося пасяджэнне літаратурнага клуба «ПаэтыКо», які дзейнічае пры Брэсцкім абласным аддзяленні Саюза пісьменнікаў Беларусі.
Як заўжды, члены клуба чыталі свае паэтычныя і празаічныя творы, у тым ліку вершы, напісаныя ў якасці хатняга задання незвычайным спосабам рыфмоўкі. Сюрпрызам было выступленне госці з Мінска – літаратара і гісторыка Аксаны Ёркінай, якая распавяла пра свой удзел у цікавых літаратурных праектах.
Урок па вершаскладанні, які правяла кіраўнік клуба, член СПБ Наталля Кандрашук, быў прысвечаны гісторыі і асаблівасцям напісання верлібраў.
Наталля Ніжнік
