Сустрэча з Зінаідай Дудзюк

У чытальнай зале ДУК “Кобрынская раённая цэнтралізаваная бібліятэчная сістэма” адбылася творчая сустрэча з лаўрэатам Нацыянальнай літаратурнай прэміі, пераможцай шэрагу абласных, рэспубліканскіх і міжнародных літаратурных конкурсаў, членам Саюза пісьменнікаў Беларусі Зінаідай Дудзюк. Мерапрыемства было прымеркавана да 85-годдзя Брэсцкай вобласці. На сустрэчы прысутнічалі настаўнікі беларускай мовы і літаратуры, мясцовыя літаратары, бібліятэкары. Зінаіда Іосіфаўна расказала пра свае паэтычныя і празаічныя творы, адказала на пытанні аб творчасці, дала свае аўтографы ўсім жадаючым. Пра кнігі Зінаіды Дудзюк, выданыя ў Кобрыне, расказала выдавец, член Саюза пісьменнікаў Беларусі Наталля Ніжнік (Кандрашук). Дырэктар бібліятэчнай сістэмы Ларыса Віктараўна Легацюк падзякавала знакамітую пісьменніцу за змястоўную сустрэчу і ўручыла памятны падарунак. Прысутныя мелі магчымасць набыць творы пісьменніцы і бліжэй пазнаёміцца з выданнямі на кніжнай выставе “Літаратурная зорка Берасцейшчыны”.