Тэрыторыя высокага густу: Кобрынскі масларобна-сыраробны завод

Адзелам абслугоўвання і інфармацыі ДУК «Кобрынская раённая цэнтралізаваная бібліятэчная сістэма» сфарміраваны краязнаўчы паўнатэкставы інфармацыйны рэсурс «Тэрыторыя высокага густу: Кобрынскі масларобна-сыраробны завод».
Інфармацыйны рэсурс знаёміць з ААТ «Кобрынскі масларобна-сыраробны завод» - адным з найбуйнейшых прадпрыемстваў малочнай прамысловасці рэспублікі па вытворчасці цвёрдых сычужных сыроў. Гэта горадаўтваральнае прадпрыемства па праве займае вядучыя пазіцыі ў малочнай галіне нашай краіны, мае велізарны патэнцыял канкурэнтаздольнасці, а таксама перспектывы да далейшага развіцця як на ўнутраным, так і на знешнім рынку.
Інфармацыйны рэсурс складаецца з шасці блокаў, сярод якіх:
►Гісторыка-эканамічны нарыс (прадстаўлены на беларускай і рускай мовах);
►Артыкулы з кніг;
►Артыкулы з перыядычных выданняў (алічбаваны артыкулы з перыядычных выданняў, пачынаючы з 1986 года);
►Бібліяграфічнае выданне - інфармацыйна-бібліяграфічнае выданне «Прадукцыя кобрынская - якасць еўрапейская» з серыі «З гісторыі прадпрыемстваў горада»;
►Электронныя рэсурсы;
►Фотагалерэя.