Лашчаць слых словы роднай мовы

Да Міжнароднага дня роднай мовы ў філіяле «Стрыгаўская сельская бібліятэка прайшла гадзіна зносін «Лашчаць слых словы роднай мовы». Юныя наведвальнікі здзейснілі імправізаваны экскурс і дазналіся аб узнікненні і развіцці беларускай мовы, пазнаёміліся з творчасцю беларускіх паэтаў і пісьменнікаў. Гэтаму дапамагла выстава «Беларуская мова – мелодыя сэрца». У час мерапрыемства гучалі вершы пра любоў да беларускай мовы паэтаў: З.Бядулі, Н.Гілевіча, Я.Купалы, Я.Коласа і іншых. Удзельнікі прадэманстравалі сваё веданне беларускай мовы ў гульні-віктарыне «Роднай мовы гук чароўны». На працягу гульні выконвалі цікавыя заданні, у якіх неабходна было праявіць кемлівасць, уважлівасць, а таксама паказаць добрае веданне роднай мовы.