Разам па родным мясцінам
29.10.2025 08:27
У рамках раённага конкурсу «Люблю мой край, старонку гэту ў філіяле «Лукская сельская бібліятэка» для вучняў 5-7 класаў ДУА «Лукская СШ» прайшла краязнаўчая квэст-гульня «Разам па родным мясцінам». Падзяліўшыся на дзве каманды «Дрыгавічы» і «Крывічы», вучні з цікавасцю прайшлі ўсе пяць станцый квэста і выканалі ўсе заданні. Удзельнікі паказвалі свае веды і ўменні на станцыях «Гісторыя вёскі», «Вуліцы вёскі», «Ці ведаеш ты сваю вёску», «Гісторыя школы», «Прырода краю». Скончылася мерапрыемства афармленнем «Дрэва маiх спраў». У канцы мерапрыемства ўсе ўдзельнікі квэста атрымалі салодкія падарункі.
