Роднай мовы гук чароўны

У рамках агульнанацыянальнага праекта «Кожная пятніца – роднае, сваё!» да Міжнароднага дня роднай мовы фiлiял «Лукская сельская бібліятэка» арганізаваў лiтаратурную гадзiну «Роднай мовы гук чароўны». Бібліятэкар нагадала пра гісторыю свята. Каб зацікавіць дзяцей беларускай мовай і літаратурай, а таксама далучыць іх да беларускай культуры была прапанавана гульня «Апрані ляльку». Школьнікі вывучалі беларускія словы, такія як сукенка, кашуля, спаднiца, андарак і г.д., а таксама пазнаёміліся з беларускім нацыянальным адзеннем і яго асаблівасцямі.

Прысутныя пазнаёміліся з новымi творамі класікаў і сучасных аўтараў беларускай літаратуры на выставе «Беларуская мова – мелодыя сэрца».
У заключэнні ўдзельнікі атрымалі закладкі з запаведзямі аб мове, якія напісаў Віктар Швед.