Беларуская мова – мелодыя душы
23.02.2026 09:00
VII раённы конкурс беларускай паэзіі і песні “Беларуская мова – мелодыя душы”, прысвечаны Дню роднай мовы, чарговы раз прайшоў на залесскай зямлі. Удзельнікі спаборнічалі ў дзвюх намінацыях: паэзія і песня. Конкурс праводзіўся ў трох узроставых катэгорыях і а’яднаў усе пакаленні. Праз лепшыя беларускія творы ўдзельнікі неслі да слухачоў сваю любоў да роднага краю, яго людзей, да роднай мовы. Пераможцы былі ўзнагароджаны дыпломамі, памятнымі падарункамі і спецыяльнымі прызамі. Да свята падрыхтавана выстава “Жывое ў вяках беларускае слова”.
