Беларус, роднай мовы сваёй не цурайся

З нагоды святкавання Міжнароднага дня роднай мовы ў Арэхаўскай публічнай бібліятэцы прайшла літаратурна-паэтычная гадзіна пад назвай “Беларус, роднай мовы сваёй не цурайся”. Удзельнікі мерапрыемства  даведаліся аб узнікненні свята, аб беларусах-першаасветніках, слухалі вершы,  выступленне літаратурна-паэтычнай групы “Ветразь”, удзельнічалі  ў віктарынах “Апранайся па-беларуску”, “Словаведы”, пазнаёміліся з падборкай кніг беларускіх аўтараў на выставе “Бібліятэкар раіць прачытаць”. На працягу дня дзейнічала акцыя “Маё любімае слова па-беларуску”.
Завяршылася гадзіна праглядам рэкламнага роліка “Смак роднай мовы ”.